معقولة انا غريبة بديرتي - 1

كلاكيت مستوصفات و المستشفيات

اليوم بكتب موضوع صج صج عور قلبي حيل و كل ما اييب له طاري اتعسر اكثر.

الي بقوله انا مادري ليش حاسة اني انا غريبه بديرتي؟؟

الحين بتسألوني على اي اساس قلت هالحجي، الحين ابي اقول لكم شي بس يعني يمكن تعانون منه مو بس انا كل مواطن كويتي على هالديرة قصدي الي على قد حالهم يقدرون يروحون مستوصف لو مرة او لو يوم من الايام سيدا تقص اسم من الشباك و تدش انا بالنسبه لي و من دون ما ابالغ في يوم الاحد من الاسبوع الطاف الصبح على بو انه ابي اسجل مرضيتي و لا الاقي امه محمد كلها بالمستوصف ليش شنو فيه و الي لوع جبدي اكثر من كثر الزحمه حريم واقفين مع رياييلهم و زحمه و الي مريض من صوب و الي تكح صراحه يعني بيئة تييب المرض و مستوصف بالسالمية الي مقابل البحر.

بصراحة قمت دشيت على الدكتورة و سألتها '' تسجلون مرضيات بعد الفطور'' قالت لي اي المهم عاد اختكم سوكي بعد الفطور شاده حيلي على بو انه اي اقص ورقه و ادش ولا الاقي ناس متيمعين على شباك شنو زحمه بس اهون من الصبح الي يدامي فوق ال 30 مريضه شنو الي حادني و هم في هذا المستوصف الموقر مواعيد الاسنان تخلص اب 5دقايق معقوله والله لوتشوفون العياده اغلبيتهم من الجنسية العربية من دون تحديد، و ياريت تلاقي خدمه زينه الحين همهم متى يخلصون هالكوكش من الناس الي يايه تعالج والله انا قمت اخاف ادش المستوصفات ماكو احترام حتى الكويتي بهالمواقف و الأماكن ماله هيبه يكلونج و انتي عايشه و ان تحجيتي طالعو عليج بنظرة" انتي شتبين يايه عندج فلوس الدنيا و يايه حكومه توكلي على الله"