اكيد الكل تضايقه هالمشكله الي مادري شلون راح نفتك منها و نرتاح حلم جميل انه تركب سيارتك و تروح الدوام و انته مرتاح لا تنرفز ولا سب ولا حوداث ولا تكاسي جواله ولا شياته
المهم من متى العماله عندها سيايير؟متى الفلبيني طلع له ليسن؟من متى السيايير القديمة تمشي و تعرقل السير؟لي متى هدر الارواح بسبت واحد مايعرف لايقرى لاعربي ولا انجليزي و لايعرف قوانين مرور الكويت؟
قبل كنا نخاف من الباص المواصلات و الحين قمنا نخاف من تكاسي الجواله(ذبان الطريق) ؟؟
مرة بحياتكم شفتو طريق سريع فيه زحمه؟؟ اكيد بس بالكويت.
و الي يعورقلبي انه صارت الكويت تعطي ليسن كل من هب و دب؟ و بالواسطه و الفلوس اقول لكم واحد شرطي شنو يقول لي الحكومه تبي فلوس عيل ليش بطلت تكاسي الجواله اب 6000 سيارة غير اليدد الي قاعدين كل يوم عن يوم تزيد المشكله و الزحمة.
و التكاسي الجواله تساعد على هروب الخادمه من بيت المعزب وهذا يتبطل له ابواب الواحد غني عن المشاكل الي اهو فيها.
مثل دولة الإمارات الشقيقه سمعت انه الي يخالفون قوانين المرور من العماله يسفرونهم ياليت على الاقل يخففون من هالمسوين الزحمه.
عندي حلول حق هالزحمه:
1- كل شركة فيها عماله تخصص لها باص بدال كل واحد معطينه سيارة على بو انه الشركه متعاقده مع شركه ثانيه حق موظفينها؟
2- المدارس وزارة التربيه ليش ماتخصص باصات مدارس حق كل المراحل الدراسيه و تتعاقد مع شركة توفر سائقين كفؤ للطلبة.
3- وزارة الاشغال توسعه الطرق و تعديلها اب اقرب وقت ممكن و استغلال فترة عطله الصيف لترميمات و تصليحات البنيه الاساسية؟
4-وزارة الداخليه صرامه و حزم بالقرارات التي يمكن يوم من الايام ترد هيبة الشرطي الي راحت من قبل العماله و الواسطة.
5- ياريت من سمو امير البلاد الشيخ صباح انه تكون ايده من حديد على المشاكل الي قاعد تصير و تأخر و تخرب من سمعه الكويت .
و اتمنى انه الاقي تفاعل من خلال هذا الموضوع و ساعدوني باقتراحات لتخفيف الزحمه و بطو الي بجبدكم ولاتخشون شي
تحياتي
7 comments:
مشكلة اذا الليسن سعره من 150 الى 400 دينار , بالسنوات الاخيرة الواحد قام يطره يطلع مكان بسبب الزحمة .
قهروني اليوم الصبح اثنين وافدين عرب بسيايير سكراب لافين غلط متعمدين بإشارة بحولي .
الحل للتخلص من العمالة الوافدة الزيادة هو بفرض ضريبة على الشركات على كل عامل تييبه , هذا العامل يعطل باجي الناس ويستهلك وقتهم ويستهلك البنى التحتية ومسبب بطالة وايضا متسبب بارتفاع اسعار الايجارات .
والله والله والله ما قمت اطلع الا لشي ضروري وبالغصب واذا بطلع مكان من كيفي لازم يكون لمكان بعكس اتجاه الزحمة .
اليوم طلعت من البيت وديت المدام سلوى اضطريت اخذ الدائري السادس وافتر من ورة مشرف وارجع الديرة على الملك فهد عشان انحاش من زحمة طريج فحيحيل البطيييييييئ .
تحياتي
لو كان الفساد رجلا لقتلته
المشكلة ما تنحل طول ما الضمير غايب عن الديرة و أهلها
يازميلي العزيز حمد صح كلامك الحين صار كلام الماده اكثر من خوف على مصلحة الديرة.
شوف مشكله السيايير القديمة مره قالوا او طلعوا قرار بخصوص هالموضوع انه السيارة الخربانه الي تمشي بالشارع و سكراب بيسحبونها و انا ماشوفهم طبقوا هالقرار ولا شميت له ريحه و هالعماله يعني لرخص السيارة و يستعملونها كاوسيلة تنقل انا عندي وسيلة خراب بيوت الناس و اذا لا قدر الله وصار حادث و سياره الشخص يديده ماعنده العامل فلوس و تأمين هم يمكن ماكو فاتضطر انك تصلح من جيبك الخاص فوق حرقه دمك على السيارة والله صج صج حاله.
سالفه الضريبة لو يسوونها على العماله وليس على المواطنين هاذي بالعكس انا اشجعها عشان يحسوون بالفرق و يكشون العماله الي سايبه الي مالها والي.
شوف مشكله الزحمه بكل مكان و هم كل واحد بيسوي الطريقه الي انته سويته انك تنحاش من الزحمه و مثل ماذكرتلي موقف الي صار لمن تبي توصل المدام و هالشارع دوم زحمه و عسى الله يحفظكم ياربي و سالفه الضرورة الطلعه انا مثل و قمت اختار اوقات احب اطلع فيها سواء بالايام العادية و الweekend ايام الناس طالعه من دواماتها ولا فترة الغدا تاخذ راحتك لا زحمه ولا شياته و هم نفس الوقت ترتاح مو مثل رمضان هالسنه استغفرالله كل مكان وين ماتروح زحممه.
تحياتي لي يازميلي و اتمنى تنتظر الموضوع الياي
الف شكر و الإحترام لك
killa ma6go0og
اي ولله صدقت بس هم يقول لك مثل لو خوليت خوربت
يعني في الزين لكن الشين طاغي ع الزين و عسى الله يكثر من الزينين و عيال الحلال بهالديرة و الي عندهم ضمير
مشكور زميلي العزيز على المشاركه
التاكسي الجوال كلهم ملك ضباط في الجيش والداخلية
اليوم عقب الفطور مباشرة مرينا الافينيوز , كان في زحمة بس مو لوية مثل ما كنت اتصور لان كان مبجر شوية , والزين بشعبنا ووافدينا انهم يدوخون عقب الفطور وما يطلعون مبجر لوول .
اكثر شي باط جبدي بالتكاسي الجوالة اهو الوانهم اللي تعبر عن واحد ذويق بالداخلية مختارها !.
وهم باطة جبدي اسمائهم ذاك اليوم واحد اسمه تاكسي ليموزين ميامي على لونه الدايخ لا تاكسيه قديم بعد لووول .
تحياتي
فتى الجبل
حاميها حراميها
ولا تعليق اكثر
حمد
اكيد هذا تأثير بعد الفطور يالغالي لانهم تختو على الاكل و مسطوليين ههههههههههه
لا الوانهم شي شي لانه يعني عشان تخلي الواحد كل مايشوف جوال تلوع جبده تقول جنه وحده حامل تتوحم ههههههههه
عادي الاسامي على كيف كيفك و ميامي و ليموزين هم موراكب بودي اصدق بس قويه قويه قويه
تحياتي لك يالغالي
Post a Comment