"اللي يبينا عيت النفس تبغيه والي نبيه عيا البخت لايجيبه " تعرفون قصة البيت ذا ومين صاحبه؟ بقولكم القصة تحت :
البيت هذا للشاعره نوره الحوشان رحمة الله عليها ، في يوم تزوجت الشاعره نوره من ولد عمها عبود بن سويلم عاشو قصة حب جميله ورزقها الله ب ثلاث اطفال كانت الشاعره نوره جميله ومعروفه باخلاقها وكرمها..
وكان الشاعر عبود بن السويلم معروف بعصبيته وعدم تحكمه بتصرفاته ، في يوم من الايام صار جدل بسيط بينهم ورمى عليها يمين الطلاق !
راحت الشاعره نوره لبيت ابوها وقامت تشتغل عشان تصرف على عيالها ، كان عبود بن سويلم يمر بين فتره وفتره على الشاعره نوره ويرد عليها السلام والشاعره نوره كانت ترد احيانًا ، حزت بخاطر عبود السويلم بعد العشره الي كانت بينهم صارت تستثقل عليه رد السلام
بعد الطلاق قامت القبايل تخطب نوره بسبب سمعتها وسيرتها الحسنه عبود بن سويلم فكر بطريقه عشان يرجع نوره له ، راح كلم ولد اخوه عشان يتزوج نوره كمحلل ووافق ولد اخوه
كان عبود بن سويلم من الحزن يتغنى في نوره قال: يا من لقلب حب نورة تغشلاه يومي به أو ماي الهوا بالشراعِ إن نمت عندي وان تنبهت ما ألقاه ما أسج عن طرياه لو كان واعي قلبي دوى به داه ما يسمع إنداه
وجاء اليوم الي خطب خالد بن محمد بن سويلم "ولد اخو زوجها السابق "الشاعره نوره فرحت الشاعره وكان ببالها انه ولد اخوه بياخذها على اساس انه محلل
وافقت الشاعره نوره وتزوجته وبعد فتره جاء عبود بن سويلم لولد اخوه وقاله صار وقت الانفصال رد ولد اخوه قال : سامحني ياعم ، أنت ارخصت وانا ثمنّت ، أنت بعت وانا شريت تقفل باب الامل بوجهه شاعرنا
وتعبت نفسيته واهمل نفسه وشغله ، مرت السنين وكانت مزرعة خالد بن سويلم جنب مزرعه شاعرنا ، مرت نوره تمشي من عند المزرعه وشافت شاعرنا وزوجها السابق عبود بن سويلم قامت تتأمل المزرعه وتتأمل زرعها وتذكر الحب والحياه الي عاشتها بذا المزرعه
بعد التأمل قامت تتغنى تقول : ياعين هلي صافي الدمع هليه وإلى قضى صافيه هاتي سريبه ياعين شوفي زرع خلك وراعيه هذي معاويده وهذي قليبه منول خلي قريب ونرجيه واليوم جيتهم علينا تعيبه يمرني بالدرب مقدر أحاكيه مصيبة ياكبرها من مصيبه اللي يبينا عيت النفس تبغيه واللي نبي عيا البخت لا يجيبه
No comments:
Post a Comment