singarea asian food market Kuwait سانغاريا سوق المآكولات والاغراضالاسيوية انتقل الى مكان جديد

صباح الخير جميعا

شلونكم وشخباركم

منو فينا مايحب الاكل الاسيوي ومع الانفتاح على الحضارة الكورية والمسلسلات الكورية وايد ناس يحبون يجربون الاكل الكوري اللي موجود في المسلسل ويبون يعرفون شنو الطعم

المهم مالكم بالطويلة الكل يدري وين مكان هالسوق اللي كان في الفروانيه الصجيج وبعدين انتقل الى مكان يديد يم الشبرة الخضار القديمة.

استانست لمن شفتها مبطله هناك اقرب ومكان سهل الوصول وفيه مصافط اكثر من المكان القديم والمكان اشرح ،واوسع.

وصورت لكم بعض الصور كتغطية سريعه وبسيطة

وهاذي الصور

وهذا موقعهم اليديد

Address- Shuwaikh industrial 3, block D, building no. 160

https://goo.gl/maps/D7NwDMY3BBM2

Singarea supermarket

زيارتي وتجربتي لمطعم Oliversan restaurant

 شلونكم حبايبي

 

انا اليوم بنقل لكم تجربتي لدى المطعم اوليفرسان والمتواجد في برج جاسم شارع السور دور الميزانين.

 يتصف هذا المطعم بتقديم الاطباق الاسيويه من المطبخ الصيني نودلز وسوشي الياباني والمطبخ التايلندي.

 

للعلم لقد اخبرني رئيس السفرجية ديجيش الذي قام في خدمتنا.

لمحبين مطعم ماكي بالإمكان أنكم تطلبون عن طريقهم فهم ليسوا ملتزمين في قائمة طعام اوليفرسان ايضا يستطيعون توفير أطباق من مطعم ماكي الياباني.

تصبيرة علما يجهز الأكل

 

لقد طلبت شوربة الميزوالقوية بصراحة ألذ بكثير من ساكورا

 

ولقد سألت ديجيش ما هي اكثر الاطباق مبيعا من المقبلات سلطة نودلز الأرز بالفعل طعمها خيال من مكوناتها نودلز الأرز مخلوط معها الخس الفول السوداني وسبرنغ رول الخضار

وبعدها قدم لنا طبق ربيان المقرمش crispy Dragon Prawns 

 

مع fried rice

ايضا طلبنا Oliversan ultimate sizzling 

 

وضيفنا حلو التيراميسو شاي الاخضر وايد خفيف وسكره خفيف

وفي زيارتي مرة ثاني لديهم طلبنا نفس الطلبات لكن ضيّفنا ديجيش هالحلو

المطعم انصح فيه بشده

مكان هادي وراقي

تواصلو معاهم عن طريق الانستغرام : @oliversanrestaurant 

وهني وعافيه مقدما