سافر وانت خفيف

صباح الخير
الكثير منا لمن ينوي يسافر يفكر بالأول المكان اللي رايح له اذا كان كشخة او مكان في استكشاف واكيد لكل من اللذي ذكرتهم لهم لبسهم و احذيتهم يعني مو معقولة رايح مكان كشخة ولابس رياضي او انه المكان رايح تصعد وتستكشف بتلبس جوتي جلد ويضايقك تبي شي يريحك




انا أتكلم عن نفسي انا وحدة احب لمن اروح او اسافر لازم كل اللي احتاجه من لبس واغراض موجودين بالجنطة لكن كنت وحدة وايد اترس جنطتي من ملابس واخذ معاي وزن زيادة واخر شي اردهم من دون ما البس بعض الملابس او الأحذية... واذا بسافر لازم اروح السوق و اشتري شغلات وايد مع اني قلت حق اهلي اني لمن بسافر ماراح اشتري شي لكن ماقدر السوق يحرض انك تشتري تبيه و ماتبي يصير في خاطرك شي فا ما تحب تأنيب الضمير وكلمة ياريتني و ياريتني ماخذيته.




دورت وحست في مواقع وايد تعلمني شلون اسافر وانا خفيفة بحيث اذا شريت شغلات وايد أكون في safe side يعني  حتى اذا كثر من الملابس او الأغراض ما أكون معدية الوزن المسموح لي.




ولقيت في موقع الpintrest أفكار و أمور للسفر خفيفة بحيث انكم تلبسون اللبس مرتب وحلو وهاذي بعض الصور اللي اعجبتني تعلم شنو اللي راح تأخذ معاك من أغراض .




اول شي لازم تشوف الجو مال المكان اذا كان بارد او حار صيف او شتا عشان تكون عندك قائمة بالملابس اللي راح تكون معاك.
ولازم تلبسون الشغلات الثقيلة عشان مايصير فيها وزن زيادة.