بس كافي

بصراحه امركم غريب يا بعض هالنواب الي يبيلكم مو مجلس امه الا ستار اكاديمي الي كاميرات داير مداركم وين مارحتو وسيويتو وتحجيتوا ان صار شي جايد بالديرة حملوا هالوزراء اليديد الي ماقدرو يتنسمون الا وكارثه كبيرة صارت من فساد الوزراء والنواب هم لهم ضلع في فساد الديرة للأسف الي ضاعت فيه الوطنية كل نائب بغض النظر عن توجهه ولكن الي داش المجلس بس يفيد اهله وربعه يطبقون " الأقربون أولى بالمعروف" وين مستقبل البلد يدامكم مستقبل المواطنين الي لاحول ولا قوه انتو يانواب قاعدين تمثلون علينا بسكم الديرة كل يوم عن يوم نسمع كارثه ولا حدث راح يأثر على المواطنين اجمع ومنو الي راح يتنفع؟؟ قولولي بالله الحين لين 4 حالات من انفونزا الخنازير ماتت ولا اصابه 1100 شخص في الكويت يالله قولو لي شرايكم بهالرقم الي صج يخرع ويخلي الكويت تقول هالاصابات شلون كثرت وزادت نقدر نقول سوء تعامل الاشخاص في المرض ولا شنو

وسؤال كارثه الجهراء ناس ماتت والله يرحمهم و سمو امير البلاد ماقصر معاهم معنه انه مو ملزوم يساعد وياب داكاترة برة من فرنسا وامريكا عشان معالجتهم واغلبية الي ماتوا سعوديين وبدون بالله قولوا لي شنو هالحجي ولا سببها غيرة وحده على زوج فاشل عبد تجنس حديثا بالله هاذي حجى يبا حطوا بالكم على الكويت وبيئتها الي كل يوم عن يوم تتضر والمواطنين والمقيميين راح يتعبون ويتضررون من هالكارثه البحر الي منفذ الوحيد لجميع سكان الكويت يروحون له صار ملوث والسمج الي ماتهنوا الناس في نزلته هم تلوث وبعد امراض يديده غير الكوليرا والي خنازير والغازات المتسربة شتبون اكثر من جذي سوء في الخدمات المهمة في الديرة الي منها التعليم والصحة ياجماعه خافوا الله فينا بسكم اسراف برى الكويت صلحوا وعدلو بهالديرة ترى مالنا غناه عنها

العيد الوطني 19-6

بسم الله الرحمن الرحيم
بعد انقطاعي مايقارب الشهر لقد الى نظري الا وهو رده فعل المواطنين الكويتيين اي البعض منهم الذين لا يعرفون ماهي اهميه تاريخ 19- يونيو-1961 و هذا التاريخ المفروض لا يغيب عن ذاكرة كل كويتي ويعتز بهذا التاريخ ايضا وليس فقط تاريخ 25-2 هو تاريخ عيد جلوس الشيخ عبدالله السالم ابو الدستور الذي وضع الدستور لضمان حق كل كويتي و حمايته و صون كرامته

ولكن اما تاريخ 19يونيو تاريخ هو الغاء معاهده 1899 الي كانت بين الكويت و بريطانيا ولتي كانت تحميها من الاطماع الخارجية في ذالك الوقت و هذا التاريخ ليس من الممكن ان يختفي عن ذاكرة الكويت.

و غريب من المحطات التلفزيونية لم تذكر هذا اليوم او فقط وضع الاغاني الوطنية و تعريف هذا اليوم للجيل الجديدالذي من خلال المناهج قد حذفوا اشياء بسيطه بالنسبه لهم ولكن مهمه جدا و يجب على الحكومه ايضا تقديس هذا اليوم ويجب ان يوضع هذا اليوم في رزنامه الحكومه للإحتفال فيها سنوياً

عسى الله يحفظ ديرتي الكويت ياربي من كل مكروه وكل طماع فيها




ملاحظة :
لفت نظري في الصحف اليومية هو المعركه بين الوعلان والقلاف
تعليقي انا عيب عليكم تتهاوشون جنكم قاعدين في مدرسه عييب جنكم يهال و انتوا رجال تمثلون طبقه من المجتمع و الواحد يكبر عقله ويتقاضى مو يرد على الثاني بصراحه انا لمن اشوف الخبر اب كذا جريدة قمت اضحك على حال الديرة حسبالنا هالمجلس راح يكون احسن المجالس ولكن للآسف صار روضه للأطفال الكبار

و سعدون حماد حدث ولا حرج يقول للدكتورة رولا دشتي انه اهيا مزدوجه الجنسية و عاشت رولا وردت عليه وتقول لا انا احمل الجواز والجنسية الكويتية وافتخر فيهم

عندي سؤال محيرني ليش ماوجه هذا السؤال للذين فازوا اب فرعيه جم جنسية لهم؟؟؟
و بسكم تمثيل يا نواب الكرام ترى والله خليتوا المجلس مسرحية والله الناقص يقص تذكرة عشان يشوفها كامله ولايف مباشرة عييب والله عييب

والله لي عتب على من لا يستطيع التحكم في مجلس الأمه واكن له الاحترام ولكن لو يكون هناك حدود لهذه المهزله الي قاعد تصير واحد يسب الثاني و واحد حافر حق الثاني ناطرة جنه تقول له ترى بالهده تشوف شغلك ولا الثاني الي يقول انا اقول من لايجرأ بعض النواب قوله هو انه انتو فداوية الشيخ (....) وانا شدارني اذا انته محصلك جم فلس عشان تقول هالحجي
اي مو ماكل فلوس الشعب والديرة انتو والي على راسه بطحه يحسسها


تقبلوا تحياتي

حقوق الطبع للصورة للأخت المصورة فجر الصراف وهذا لنك
http://www.flickr.com/photos/fayoora/

فتوى حرام انتخاب المرأه؟؟

انزين انا ابي اعرف منو هالمينون الي طلع قتوى ممنوع تصويت للمرأه وحرام؟؟؟
انزين فتوى الكلينكس الي طلعها مايدري انه اكثر من 60% من المجتمع كلا نساء يعني يمكن الناخبين يفوزون ولا لأ؟

وليش هالتهجم على المرأه يعني لين حسيتوا انها راح توصل الي المجلس طلعتوا هالفتوى الي مالها داعي؟
انا اقول حق كل من يحاول ان يهضم المرأه حقوقها حامض على بوزكم والمرأه واصله واصله سواء رضيتوا او ان ريضيتوا و المرأه مو بس نصف المجتمع الا صارت اكثر من النصف من واجبات مو قبل يقولون ان المرأه اخت الرجال يالله الحين صار دورها انه اهي اخت الرجال والنعم فيها.

وثانيا كافيا لغوا وكل من طلع فتوى يعني الكل بيسمعها اخوتي و خواتي فكروا انه مصلحتكم و مصلحه البلد واقفه عليكم لايهم من يشتري الاصوات او الي اجندته مبينه وبعدين يدش المجلس و يلغي الاجنده المعلنه وعنده اجنده مخفيه.

مانبي نواب الي قالوا وبعد الفوز بينت نياتهم فكروا بيد كل مواطن خلاصه وراحته

وتقبلوا تحياتي

عاشت الكويت حره ابيه

** تحديث ** اقول حق النواب الي ييلهم دعم من خارج الديرة اقول لكم انتو عره الكويتيين وحرام انتوا قاعدين بهالارض الطيبه و تدنسونها فيكم اتمنى من سمو امير البلاد الشيخ صباح الأحمد الصباح انزال أقوى عقوبه وهي خيانه دوله وتجريدهم من الجنسية الكويتيه لانه هؤلاء اثبتوا و باعوا ديرتنا اب ارخص الأثمان لأجل حفنه من المال و يمشون راي الي ممولهم على الكويتيين و هذا رجاء لك ياشيخنا

حفظ الله الكويت و شعبها و اميرها من كل مكروه

فَكْر . . . . فَكْري قبل لا تختارووون

أقسم

باقر والمديونيات

ماهو سر رفض باقر من شراء الحكومه مديونيات المواطنين واحد من اثنين و انا ابي رايكم؟؟

ياهل ترى مايبي الكويتي يرتاح باله؟
او مايبي البنوك الغير متأسلمة تستفيد؟؟

واذا نقول الحكومه تشتري مديونيات المواطنين

اهني الحكومه انعش الاقتصاد في الكويت بدفع من المال للبنوك التي تطالب المواطنين و بذالك الحكومه تضرب عصفورين بحجر الي اهم شراء مديونيه المواطن ويرتاح باله . . . بدون فوايد

وثانيا تساعد البنوك في انعاش الاقتصاد و تخفيف من اضرار النكسه الاقتصادية.

هل توافقني الرأي؟؟

و مشكله حبيبنا باقر لمن يقول شراء المديونيه شنو ربعه التجار يخاف منهم ولا شنو السر؟؟ ابي جواب

هل يحتاج الطبطبائي كابتن وااو؟؟؟

وانا اليوم اتصفح احدى الجرايد ولا الاقي هالخبر

اتاري حبيبنا لمن رفع الجوتي طلع مطلوووب كاااااااااااااااااااااااااااااااااااك
واي واي ماقدر كااااااااااااااااااااااااااااااك
الحين بعد انه مطلوب 3 الاف ياهل ترى لين الناس تدري بسالفه يطيح بورصه الجوتي؟؟
وافا انته نائب وكل الي لقوه باص مرسيدس؟؟
قويه قويه ماني مصدقه صج صج الطبطبائي ودكتور؟؟


شلون بيدفع فلوس المطلووبه؟؟
تهقون جم معاش النائب؟؟

فديت ترابج ياكويت

انا و اختي العودة كنا نشاهد بعض الاغاني او الابروتيتات الكويتيه القديمه على عهد الشيخ جابر رحمه الله عليه و الشيخ سعد الله يرحمهم
وكنا نشوف الكويت و الناس شلون كانت و العمران في فترة الثمانينات و نتحسف و نستذكر ايام الكويت القديمة و البرامج القديمة الي نتمنى ان اهيا ترد وياريت ترد و انا متأكد بيرد عهد الكويت و احسن من قبل و القارئ يقول امين والله ايام ياديرتنا كنتي حتى الوافد مايرضة عليها اما الحين فاالله اعلم
دخلوا علينا و خربوا الديرة اي خربتوها و لا مستحيل في اهل الكويت الي يخاف عليها و يدافع عنها و يأمن الحاضر و المستقبل و نعتز بأصولنا و دياناتنا اذا كان مسلم شيعي سني مسيحي اي من الديانات الاخرى على ارض الوطن كلنا يجمعنا اسم واحد احنا كويتيين و عايشين بديرة خير و عسى ربي يبيد كل من يحاول يعكر صفو ديرتنا ونشوف فيهم يوم ندورهم دوارة عشان الابادة:)
ياربي احفظ لنا كويتنا و ارضنا و اهلها وشعبها وخلينا على قلب واحد و اي وحده وكلنا كويتيين ومافي فرق بينا لا بديانه ولا بعائلة ولا قبلي ولا توجه كل هالحواجز تنكسر لانا كلنا كويتيين و نحب هالديرة ديرتنا جنه اب ايدينا نخليها جنه و نخليها جهنم حق كل من يحاول يأذينا:)
تقبلوا تحياتي
فديت ديرتي الكويت

Fake 20 Kuwaiti Dinar

يا جماعة الخير ديروبالكم على حلالكم حبايبي
انا اليوم اول مرة يصير فيني موقف في حياتي امبيه لا يحسد عليه في حياتي كلها
انا اب بوكي 20 دينار ساحبتها من Atm السحب الآلي يامحفوظين السلامه انا اليوم رحت حق كارفور عشان بشتري جم شغله شريت و خلصت وادفع و ماشوف الا الكاشير يودي ال عشرين دينار يعطيها حق الهندي ويقول له يجيك عليها بالمكتب نطرت بو خمس دقايق ولا ماشوف الا الهندي راد وقال ماما هذا عشرين مقصوصه نصين ونص رقمه غير عن النص الثاني اهني صج صج لاتشوفون ويهي قلب الوان و اخترعت يعني هاذي عشرين وجذي فمابالك حلال ناس اذا بتسحب بال الاف كاش ونصهم مزور شيصير فيهم لا لا ديربالكم وجيكوا على فلوسكم الكاش لانه والله هاذي بدايتها عشرين مايندرا بالايام اليايه تدرون العتب على مكينة السحب الألى مالت البنك الي خلو هالعملة موجودة داخل اجهزتهم.
والله حاسه هاذي زارقة من رزم عشرينيات العادة و المتعارف يحطونهم بالمكينة و يحسبون جم رزمه فيها اهما مو فاضيين يجيكون على وحده وحده ديروابالكم يا حبايبي
تحياتي

دعوة لحضور الامسية الشعرية

حياكم الله معانا في امسيتنا الشعرية حضوركم دعم لنا