باقر والمديونيات

ماهو سر رفض باقر من شراء الحكومه مديونيات المواطنين واحد من اثنين و انا ابي رايكم؟؟

ياهل ترى مايبي الكويتي يرتاح باله؟
او مايبي البنوك الغير متأسلمة تستفيد؟؟

واذا نقول الحكومه تشتري مديونيات المواطنين

اهني الحكومه انعش الاقتصاد في الكويت بدفع من المال للبنوك التي تطالب المواطنين و بذالك الحكومه تضرب عصفورين بحجر الي اهم شراء مديونيه المواطن ويرتاح باله . . . بدون فوايد

وثانيا تساعد البنوك في انعاش الاقتصاد و تخفيف من اضرار النكسه الاقتصادية.

هل توافقني الرأي؟؟

و مشكله حبيبنا باقر لمن يقول شراء المديونيه شنو ربعه التجار يخاف منهم ولا شنو السر؟؟ ابي جواب

هل يحتاج الطبطبائي كابتن وااو؟؟؟

وانا اليوم اتصفح احدى الجرايد ولا الاقي هالخبر

اتاري حبيبنا لمن رفع الجوتي طلع مطلوووب كاااااااااااااااااااااااااااااااااااك
واي واي ماقدر كااااااااااااااااااااااااااااااك
الحين بعد انه مطلوب 3 الاف ياهل ترى لين الناس تدري بسالفه يطيح بورصه الجوتي؟؟
وافا انته نائب وكل الي لقوه باص مرسيدس؟؟
قويه قويه ماني مصدقه صج صج الطبطبائي ودكتور؟؟


شلون بيدفع فلوس المطلووبه؟؟
تهقون جم معاش النائب؟؟

فديت ترابج ياكويت

انا و اختي العودة كنا نشاهد بعض الاغاني او الابروتيتات الكويتيه القديمه على عهد الشيخ جابر رحمه الله عليه و الشيخ سعد الله يرحمهم
وكنا نشوف الكويت و الناس شلون كانت و العمران في فترة الثمانينات و نتحسف و نستذكر ايام الكويت القديمة و البرامج القديمة الي نتمنى ان اهيا ترد وياريت ترد و انا متأكد بيرد عهد الكويت و احسن من قبل و القارئ يقول امين والله ايام ياديرتنا كنتي حتى الوافد مايرضة عليها اما الحين فاالله اعلم
دخلوا علينا و خربوا الديرة اي خربتوها و لا مستحيل في اهل الكويت الي يخاف عليها و يدافع عنها و يأمن الحاضر و المستقبل و نعتز بأصولنا و دياناتنا اذا كان مسلم شيعي سني مسيحي اي من الديانات الاخرى على ارض الوطن كلنا يجمعنا اسم واحد احنا كويتيين و عايشين بديرة خير و عسى ربي يبيد كل من يحاول يعكر صفو ديرتنا ونشوف فيهم يوم ندورهم دوارة عشان الابادة:)
ياربي احفظ لنا كويتنا و ارضنا و اهلها وشعبها وخلينا على قلب واحد و اي وحده وكلنا كويتيين ومافي فرق بينا لا بديانه ولا بعائلة ولا قبلي ولا توجه كل هالحواجز تنكسر لانا كلنا كويتيين و نحب هالديرة ديرتنا جنه اب ايدينا نخليها جنه و نخليها جهنم حق كل من يحاول يأذينا:)
تقبلوا تحياتي
فديت ديرتي الكويت

Fake 20 Kuwaiti Dinar

يا جماعة الخير ديروبالكم على حلالكم حبايبي
انا اليوم اول مرة يصير فيني موقف في حياتي امبيه لا يحسد عليه في حياتي كلها
انا اب بوكي 20 دينار ساحبتها من Atm السحب الآلي يامحفوظين السلامه انا اليوم رحت حق كارفور عشان بشتري جم شغله شريت و خلصت وادفع و ماشوف الا الكاشير يودي ال عشرين دينار يعطيها حق الهندي ويقول له يجيك عليها بالمكتب نطرت بو خمس دقايق ولا ماشوف الا الهندي راد وقال ماما هذا عشرين مقصوصه نصين ونص رقمه غير عن النص الثاني اهني صج صج لاتشوفون ويهي قلب الوان و اخترعت يعني هاذي عشرين وجذي فمابالك حلال ناس اذا بتسحب بال الاف كاش ونصهم مزور شيصير فيهم لا لا ديربالكم وجيكوا على فلوسكم الكاش لانه والله هاذي بدايتها عشرين مايندرا بالايام اليايه تدرون العتب على مكينة السحب الألى مالت البنك الي خلو هالعملة موجودة داخل اجهزتهم.
والله حاسه هاذي زارقة من رزم عشرينيات العادة و المتعارف يحطونهم بالمكينة و يحسبون جم رزمه فيها اهما مو فاضيين يجيكون على وحده وحده ديروابالكم يا حبايبي
تحياتي

دعوة لحضور الامسية الشعرية

حياكم الله معانا في امسيتنا الشعرية حضوركم دعم لنا

دعوة لحضور معرض صوت الكويت

صوت الكويت يدعوكم لأولى نشاطات حملة «الحرية مسؤولية» و هومعرض
صوت الكويت للكاريكاتير و الأعمال الفنية لشباب و شابات الكويت
و أنشطة مختلفة تعبر من خلالها عن طموحاتك و آمالك
المكان: بيت لوذان
التاريخ: 28/10 إلى 30/10
الزمان: 6 إلى 9 مساءً

يوم الدستور 11-11-2008

اود ان احيطكم علما بأن نحن صوت الكويت بصدد عمل يوم الدستور يوم الثلاثاء الموافق 11/11/2008 وذلك في ساحة العلم مبدئيا انشالله ولذلك نود منكم المشاركة معنا في هذه المناسبة وذلك بما انها مناسبة وطنية نبي اكبر قدر ممكن من المشاركين و شخصيات ممثلين من الأخوة و اتمنى منكم مشاركتكم معانا و يشرفنا انكم تكونون معانا ومشاركتم دعم لنا

وانشالله اي تغيير انا راح ابلغكم فيه
حضوركم ومشاركتم يشرفنا:)انا بالانتظار

عيدكم مبارك

بما انه اول ايام العيد رحت المستشفى ولكن الحمدالله الله اني طلعت بالسلامه

وكل عام وانتو بخير ياربي وادعولي بالسلامه تقبلوا تحياتي

الريال الكويتي ما منه فايدة

*تحديث*

لايطوفكم بوست لاأرى لا أسمع لا أتكلم

بعنوان الآف الحمقى والفاسدين

عجبني الايميل وقلت خليني اشاركه وياكم وتعليقاتكم ههههههه

Friends
الصاحبه
'أنت ليش ما تمسك ايدي واحنا طالعين

''‏لأ ...فرضي احد من اهلج شافنا؟ ولا احد من اهلي؟ على الاقل جذي نقدر نرقع , إن ‏شاالله يا حبيبتي باجر آخذج وامسك إيدج جدام الدنيا كلها

'............. ......... ......... ...

Engaged
مخطوبين ‏
'أنت ليش ما تمسك ايدي واحنا طالعين ؟'
'علشان مابي احد يتطنز علينا ويقول صايرين كناري لان توهم مالجين...وبعدينبصراحة ما ارضى احد يتطنزعلى حبيبتي.

.. ............ ......... ......... ...

Married
متزوجين
'أنت ليش ما تمسك ايدي واحنا طالعين ؟'
'يا حبيبتي إحنا مو مراهقين عشان نمسك إيد بعض في الشارع وجذي....إحنا اثنين متزوجين ومحترمين وعندنا بيت نسوي فيه اللي نبيه'.............. ......... ......... ....

Married with Children
متزوجين وعندهم عيال

' أنت ليش ما تمسك ايدي واحنا طالعين ؟'
'يعني امسك إيدج ولا امسك إيد الياهل ولا اشيل لجياس هذي كلها؟!'

............ ......... ......... ...

Married for 25 years
بعد 25 سنه من الكفاح المسلح

'أنت ليش ما تمسك ايدي واحنا طالعين ؟'
'أي إيد هذي اللي بمسكها الحين! إنتي تبين ريل بنتج يقول عنا كبرنا وخرفنا؟!

الحين اقول ليش معدل الخيانه والطلاق في الكويت زايد للأسف المرأه تطلب من حقها وريلها يستحي من نظرة المجتمع له للأسف


ما اعمم ليس الكل انما الاغلب في ناس طيبة النعم فيها

التربية ومادراك ما التربية ؟ ؟

سوف اروي لكم موقف لقد حصل امامي مباشرة الا وهو عند ذهابي الى المصور في منطقه العديليه كان هناك شاب كبير الحجم اي ضخم "يثل" لقد تحدثت اليه الفلبينية و قالت له no Change المهم قال " هاذي شتبي " اجابة الموظفه: ماكو خردة ومن ثم ذهب و اخرج من بوكة دينار ومن ثم يرميه على وجهها و عند خروجه من المحل جعل الباب مفتوحا لم يغلقه وهنا يدل على تربيه الشخص و الغريب في الامر انه رجل كبير ليس طفلا ام مراهقا . . .
ماهو تفسيركم و رأيكم من هذا الموقف ؟ ؟

والآن سوف تسألوني لماذا اكتب هذا الموضوع يجز في الخاطر عندما ترى شخصا يعامل الأخر بإهانة لماذا؟ كلنا انسان وكلنا سواسية انته يامن تأذي وتسيئ معاملة الكل إحمد الرب على النعمة وعلى البيئة الذي جعلك تعيش فيها بدلا من الاهانات و سوء المعاملة